આ કોરો કાગળ પણ એક આખી કવિતા હોઈ શકે
જો દોસ્ત તું મોકલનારનુ નામ જરા જોઈ શકે!
અજવાળા ક્યાંક ભૂત થઈ ભમતા હશે અંદર હવે,
બાકી મીચેલી આંખ આ સ્વપ્ન શાને ખોઈ શકે?
આ જીવતરના મરમ એ ચોકકસ સમજ્યો હશે,
જે આમ રડતાં રડતાં હસે,ને હસતાં હસતાં રોઈ શકે!
આ મૃગજળ ને માની જળ, જો લે હાથમાં હળ,
તો શુષ્ક રણ વચાળેય તું લીલા આંબા બોઇ શકે!
થનગનું છું ચુંટાઇ જવા રાતભર નાહી ઝાંકળથી,
તવ ચરણ-અર્ધ્યે પૂજારી, શાયદ મને નાં ધોઈ શકે।
આ કોરો કાગળ પણ એક આખી કવિતા હોઈ શકે!
જો દોસ્ત તું મોકલનારનુ નામ જરા જોઈ શકે!
-ગુરુદત્ત ઠક્કર
0 comments:
Post a Comment